Helpwch i lunio dyfodol chwaraeon padlo yng Nghymru
Mae Paddle Cymru yn chwilio am Gadeirydd Annibynnol i arwain ein Bwrdd a helpu i yrru twf a datblygiad parhaus chwaraeon padlo ledled Cymru.
Dyma gyfle i ddefnyddio eich sgiliau a'ch profiad i gefnogi cymuned chwaraeon lewyrchus, dylanwadu ar benderfyniadau strategol a helpu i ddarparu buddion parhaol i aelodau, clybiau a gwirfoddolwyr ledled Cymru.
Gan weithio'n agos gyda'r Prif Swyddog Gweithredol a'r Bwrdd Cyfarwyddwyr, byddwch yn darparu arweinyddiaeth, yn hyrwyddo trefn lywodraethol da ac yn sicrhau bod Paddle Cymru yn parhau i fod mewn sefyllfa dda i gyflawni ei uchelgeisiau.
Rydym yn arbennig o awyddus i glywed gan unigolion a all ddod â safbwyntiau ffres o'r tu allan i'r gamp. Nid oes angen profiad mewn chwaraeon padlo.
Rydym yn chwilio am rywun sy'n gallu:
- Darparu arweinyddiaeth strategol a llywodraethu effeithiol.
- Cadeirio a datblygu Bwrdd sy'n perfformio'n uchel.
- Meithrin perthnasoedd cadarnhaol gyda rhanddeiliaid a phartneriaid allweddol.
- Cefnogi a herio'r sefydliad i gyflawni ei amcanion.
- Gweithredu fel llysgennad i Paddle Cymru a'r gamp ledled Cymru.
Pam ymuno â ni?
Dyma gyfle i:
- Arwain Bwrdd Corff Llywodraethu Cenedlaethol.
- Helpu i lunio dyfodol sefydliad sy'n tyfu.
- Defnyddio eich profiad proffesiynol i wneud gwahaniaeth parhaol.
- Cefnogi cyfleoedd i bobl ledled Cymru fwynhau, cymryd rhan a rhagori mewn chwaraeon padlo.
Mae'r penodiad ar gyfer cyfnod cychwynnol o bedair blynedd.
Swydd wirfoddol yw hon, ac ad-delir treuliau rhesymol.
Oes gennych chi ddiddordeb?
Dyddiad cau: Canol dydd ddydd Gwener 23 Hydref 2026.
Am sgwrs anffurfiol am y rôl, cysylltwch â Megan Hamer-Evans yn Megan.Hamer-Evans@PaddleCymru.org.uk
